Пра сябе

Праваслаўны святар. Служыў у Мінску. У 2018 годзе за крытычныя публікацыі аб царкве быў адпраўлены за штат без права служэння. У 2021 годзе з-за пагроз рэпрэсій быў вымушаны перабрацца з Беларусі ў Літву.

На гэтым сайце планую сабраць, наколькі гэта будзе магчыма, уласныя публікацыі, размешчаныя ў свой час на розных рэсурсах, а таксама цікавыя і важныя для мяне матэрыялы іншых аўтараў.

Кароткая біяграфія

Нарадзіўся 4 ліпеня 1957 г. у Пінску (Брэсцкая вобласць, БССР). Бацькі з Кіраваградскай вобласці Украінскай ССР, у Беларусі аказаліся пасля вайны. Нягледзячы на ўкраінскае паходжанне, больш усведамляю сябе беларусам, а яшчэ больш еўрапейцам.

У 1975 годзе паступіў, а ў 1980 годзе скончыў факультэт радыёфізікі і электронікі Беларускага дзяржаўнага ўніверсітэта. Працаваў інжынерам, дворнікам, паштальёнам, школьным настаўнікам фізікі. Стаў вернікам у 1977 годзе, удзельнічаў у праваслаўнай службе міласэрнасці, быў арганізатарам нядзельнай школы пры праваслаўным прыходзе. З 1994 года святар. Семінарыю скончыў экстэрнам. Выкладаў у Мінскім духоўным вучылішчы. З 1998 года стаў актыўна публікавацца ў інтэрнэце, а таксама ў друкаваных перыядычных выданнях («НГ – Религии», «Фома», «Наша Ніва» і інш.).
З 2007 па 2009 год за крытычныя публікацыі («дэструктыўную публіцыстычную дзейнасць супраць царквы») быў забаронены ў служэнні мітрапалітам Філарэтам (Вахрамеевым).
Пасля вяртання да служэння прымаў удзел у папулярызацыі беларускамоўнага богаслужэння. У 2017 годзе паступіў у Мінскую духоўную акадэмію, якую прыйшлося пакінуць у сувязі з адхіленнем ад служэння ў 2018 годзе мітрапалітам Паўлам (Панамаровым).

Артыкул у беларускай Вікіпедзіі

Артыкул у рускай Вікіпедзіі

Асноўныя рэсурсы

Facebook

Telegram (канал «Поп вне игры»)

Царква і палітычны крызіс у Беларусі

Христиане против войны

LiveJournal (старые запісы, не абнаўляецца), сайт-люстэрка запісаў з LiveJournal

Царква (не абнаўляецца)

Кароткая біяграфія

Асноўныя рэсурсы

Воблака метак